Listen Janmashtami Special "अच्युताष्टकं | Achyutashtakam With Lyrics | Janmashtami Special 2021 | Shri Krishna Bhajan" <br /><br />Lyrics : <br />अच्युतं केशवं रामनारायणं<br />कृष्णदामोदरं वासुदेवं हरिम् ।<br />श्रीधरं माधवं गोपिकावल्लभं<br />जानकीनायकं रामचंद्रं भजे ॥1॥<br /><br />अच्युतं केशवं सत्यभामाधवं<br />माधवं श्रीधरं राधिकाराधितम् ।<br />इन्दिरामन्दिरं चेतसा सुन्दरं<br />देवकीनन्दनं नन्दजं सन्दधे ॥२॥<br /><br />विष्णवे जिष्णवे शाङ्खिने चक्रिणे<br />रुक्मिणिरागिणे जानकीजानये ।<br />बल्लवीवल्लभायार्चितायात्मने<br />कंसविध्वंसिने वंशिने ते नमः ॥३॥<br /><br />कृष्ण गोविन्द हे राम नारायण<br />श्रीपते वासुदेवाजित श्रीनिधे ।<br />अच्युतानन्त हे माधवाधोक्षज<br />द्वारकानायक द्रौपदीरक्षक ॥४॥<br /><br />राक्षसक्षोभितः सीतया शोभितो<br />दण्डकारण्यभूपुण्यताकारणः ।<br />लक्ष्मणेनान्वितो वानरौः सेवितोऽगस्तसम्पूजितो<br />राघव पातु माम् ॥५॥<br /><br />धेनुकारिष्टकानिष्टकृद्द्वेषिहा<br />केशिहा कंसहृद्वंशिकावादकः ।<br />पूतनाकोपकःसूरजाखेलनो<br />बालगोपालकः पातु मां सर्वदा ॥६॥<br /><br />विद्युदुद्योतवत्प्रस्फुरद्वाससं<br />प्रावृडम्भोदवत्प्रोल्लसद्विग्रहम् ।<br />वन्यया मालया शोभितोरःस्थलं<br />लोहिताङ्घ्रिद्वयं वारिजाक्षं भजे ॥७॥<br /><br />कुञ्चितैः कुन्तलैर्भ्राजमानाननं<br />रत्नमौलिं लसत्कुण्डलं गण्डयोः ।<br />हारकेयूरकं कङ्कणप्रोज्ज्वलं<br />किङ्किणीमञ्जुलं श्यामलं तं भजे ॥८॥<br /><br />अच्युतस्याष्टकं यः पठेदिष्टदं<br />प्रेमतः प्रत्यहं पूरुषः सस्पृहम् ।<br />वृत्ततः सुन्दरं कर्तृविश्वम्भरस्तस्य<br />वश्यो हरिर्जायते सत्वरम् ॥९॥
